Gorlizko Udalak hondartza eta herrigunea lotuko dituen bidegorri berriaren proiektua jendaurrean jarriko du datorren astean. Ekimena Sertutxenan izango da, otsailaren 3tik 9ra, 10:00etatik 14:00etara eta 16:00etatik 19:00etara (domeka arrastian izan ezik, itxita egongo baita).
Erakusketaren helburua da bidegorri berriaren proiektuaren xehetasunak herritarrei aurkeztea eta haien ekarpenak jasotzea, aste osoan zehar bertan egongo den iradokizunak jasotzeko postontzi baten bidez. Udalak herritarrak animatu gura ditu beren ideiak eta kezkak adieraztera, beren iritzia funtsezkoa baita proiektua herritarren beharretara egokitzen dela bermatzeko.
Sertutxenara hurbiltzeko aukerarik ez duten herritarrek, beren iradokizunak formulario digital honetan betez helarazi ditzakete.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
