Tradizio luzeko txapelketa da Gorlizko Urezarantzako sukalki txapelketa. Aurtengoagaz, 53 urte beteko ditu, beraz, esperientzia luzeko partaideak ere baditu lehia biziak. Alabaina, hori ez da izango jaietako protagonista bakarra, festa on batzuk ezin direlako disfrutatu musika on eta dantza zoro barik. Hala, disko-gaua, zezensuzkoa, herri-kirolak eta trikitilariak ere izango dituzte Urezarantzan. Urtero legez, ekintza guztiak bi toki nagusitan egingo dituzte: kiroldegian eta Okaratxun. Beraz, ez da galtzeko modurik egongo. Animatu eta batu Urezarantzako jaietara!
Egitaraua
Abuztuak 17, zapatua-Kiroldegian
- 12:30 Ur-parkea umeentzat.
- 13:00 Luntxa danontzat trikitiagaz girotuta.
- 16:30 Tute txapelketa.
- 17:30 Tortilla txapelketa. Tortillen sariak: 30 euro, 20 euro, 10 euro eta 5 euro.
- 20:30 Disko-gaua.
- 21:30 Zezensuzkoa.
Abuztuak 18, domeka-Okaratxun
- 10:00 LII. Sukalki Txapelketa.
- 12:00 Trikitilariak.
- 14:30 Lapikoen aurkezpena.
- 17:00 Sukalki txapelketaren sari-banaketa.
- 18:00 Jolasak: zaku-lasterketak, aulkiena, txingak…