Correoseko arduradunek azpimarratu dutenez, zerbitzuaren abantaila nagusia da hartzaileak edo bidaltzaileak une egokiena aukeratzen duela paketea jasotzeko edo uzteko. Hala, paketeak jasotzeko, bezeroek Citypaq puntu bat aukeratu dezakete denda digitalen bidez zuzenean, edo zain duten bidalketaren entrega-modua aldatuta Correos Modify tresnaren bitartez. Gainera, erabiltzaileek Correosen aplikazioan izena emanez, Citypaq gogokoenari lotutako "helbide pertsonala" sortu dezakete.
Bidalketak egiteko, bezeroek aldez aurretik Correosen webgunean edo app-ean ordainketa egin dezakete, eta horren truke kode bat jasoko dute paketea kutxatilan uzteko. Era berean, online erosketen itzulketak ere egin daitezke Citypaq bidez, denda digitalak aurretik emandako kodearekin.
Halaber, Correosen aplikazioa instalatuta dutenek aukera gehiago izango dituzte: tokia erreserbatzea aldez aurretik, bidalketen jarraipena egitea eta jakinarazpenak jasotzea, paketea kutxatilan utzi den unean bertan. Correosen arabera, hartzaileek bost egun izango dituzte paketea jasotzeko; epe hori igarota, paketea 15 egun gehiagoz egongo da eskuragarri bulegoan. Gorlizko Citypaq berriak 18 konpartimentu ditu.
