Sukaldearen bueltan elkartzeko beste aitzakia bat izango dute leioaztarrek urriaren 4an. Leioako Zaporeak ekimenaren hirugarren hitzorduak gazta egiteko tailerra, bazkaria eta Idiazabal gaztaren inguruko hitzaldia batuko ditu Errotaondo Txokoan. Leioaren 500. urteurrenaren barruan antolatu dute jardunaldia, eta jarduera batzuetarako aldez aurretik izena eman beharko da.

Irailaren 27an, naturaregaz zientziaren eta jolasaren bidez gozatu, ikasi eta konektatzeko jardunaldia egingo dute Urdulizko haurtzaroko basoan. Auzolanera doan pertsona heldu bati laguntzen dioten adingabeentzat zuzendutako tailerrak izango dira, eta bi txandatan egingo dira.

Lehen txanda, 9:30etatik 11:30etara, "BioBlitz" izenekoa, ingurunea esploratzeko, espezieak behatzeko eta tokiko biodibertsitatea modu dibertigarri eta parte-hartzailean deskubritzeko ibilbidea da. Eta bigarrena, 12:00etatik 14:00etara, "Loreak sortzen" izenekoa, artea, botanika eta biodibertsitatea uztartzen dituen sormen tailerra izango da. 

Izena ematea beharrezkoa da.