Biribilgune berria eraikitzeko lanek 60 bat autorentzako aparkalekua ixtea ekarri dute. Obrak amaitutakoan, 80 plaza baino gehiago izango ditu, eta inguruan bidegorria, autobus-geltoki berriak eta oinezkoentzako guneak ere egokituko dituzte.

Azaroaren 3an, Berangoeta Kultur Etxeak ongizate digital eta emozionalari buruzko hitzaldia hartuko du Maitane Ormazabal Esnaolaren eskutik. Ormazabal osasun-psikologo orokorra da, nerabezaroan, gazterian, osasun emozionalean eta osasun digitalean aditua. Hitzaldia Berango-Merana herri eskolako familientzat eta interesa duen ororentzat zuzenduta dago.