Tailerra
Irailak 8, ostirala
17:0017:00
Ingurugiro eta birziklapenari buruzko tailerrak bueltatuko dira Uribe Kostako Mankomunitatera
Barrika Berango Gorliz Lemoiz Plentzia Sopela Urduliz | Ikastaroak eta tailerrakIrailetik aurrera eta ikasturte berriaren hasieragaz, ingurugiro eta birziklapenari buruzko Inguru Minguru tailerrak bueltatuko dira Barrika, Berango, Lemoiz, Plentzia, Urduliz eta Gorlizko udalerrietara. Tailerrak 4 urtetik gorago umeentzat zuzenduta daude, eta iraila eta urria arteko bariku orotan tailer bat emango dute Mankomunitateko herri bakoitzean, arrastiko 17:00etatik 19:00etara. Helburua da haurrei erakustea ingurugiroarekiko errespetua, besteak beste: baliabide naturalak modu egokian erabiltzearen arduraz sentsibilizatzea, hondakin gutxiago sortzearen garrantziaz jabearaztea, baita birziklatzea eta berrerabilpena bultzatzea ere.
Irailak 13, asteazkena
16:3016:30
Sexu hezkuntza eta heziketa emozionaleko begirale ikastaroan izena emateko epea zabalik dago irailaren 30era arte
Kurtzio kultur etxea, Sopela | Ikastaroak eta tailerrak18 eta 29 urte bitarteko gazteei zuzendutako sexu hezkuntza eta heziketa emozionaleko begirale ikastaroa egingo dute Sopelako Kurtzio Kultur Etxean. Zehazki, Sopela, Berango, Barrika, Gorliz, Leioa, Lemoiz, Plentzia eta Urdulizen erroldatutako lagunentzako ikastaroa da, betiere tokiko elkarteetako edo kolektiboetako partaideei zein banakoei zuzendutakoa: magisteritza, pedagogia, psikologia ikasleak, begiraleak, entrenatzaileak, etab. Izena eman daiteke aurrez-aurre Sopelako Kurtzio Kultur Etxean, astelehenetik barikura (09:00-14:00/16:00 -20:00) eta zapatu eta domekatan ere (11:00-14:00/17:00-20:00). Halaber, online ere egin daiteke hemen.
Urriak 7, larunbata
11:00
Etxeko olioa kudeatzeko tailerra Barrikan, xaboia eta kandela ekologikoak egiteko
Ander Deuna aretoa, Barrika | Ikastaroak eta tailerrakHondakinak murriztu, berrerabili eta birziklatzeari buruzko kontzientziazioa pizteko asmoz, Barrikako Udalak hainbat tailer antolatu ditu Bizkaiko Foru Aldundiaren laguntzagaz. Saiook gazteei eta txikiei zuzenduta egongo dira; lehenengoa urriaren 7an izango da, olioa berrerabiltzearen garrantzia azpimarratzeko.
Urriak 9, astelehena
17:3017:30
Antsietatea eta estresa kudeatzeko tailerrak egingo dituzte Gorliz eta Sopelan
Gorlizko Eloisa Artaza 3 kalean eta Sopelako Kurtzio Kultur Etxean, Barrika Berango Gorliz Lemoiz Plentzia Sopela Urduliz | Ikastaroak eta tailerrakUribe Kostako Zerbitzuen Mankomunitateak antsietatea eta estresari buruz hitz egiteko tailerrak egingo ditu Gorliz eta Sopelan, bi taldetan banatuta. Talde bat urriaren 9an eta 16an izango da, Gorlizko erakusgelan, Eloisa Artaza 3 kalean, 17:30etik 19:30era. Bestea, azaroaren 21ean eta 28an, Sopelako Kurtzio Kultur Etxean, 17:30etik 19:30era. Hala, antsietatea eta estresa hobeto kudeatzeko gakoak emango dituzte tailerretan.
