- "La trama del 4%. Las comisiones del caso De Miguel" liburuaren aurkezpena egingo da La Bolsa aretoan, urtarrilaren 31an.
- CNT sindikaturaren iritziz, "komunikabideek EAJ-PNVren ustelkeria estaltzen dute, euskal oasiaren irudia zabalduz".
Ahoztar Zelaietak, Egin egunkariko kazetari ohia eta Ardi Beltza aldizkariaren ikerketa taldearen kidea, bere azken liburua aurkeztuko du La Bolsa aretoan (Bilboko Alde Zaharra), urtarrilaren 31n. Antolatzaileen iritziz, "Euskal Herrian eman den ustelkeri kasurik handiena izan da De Miguel auzia, PNV auzia izendatu beharko litzatekeena". Horregatik, lan hau zabaltzearen garrantzia azpimarratu dute, "liburu honek gardentasuna ez dagoen eremu batean argi pixka bat ematen duelako".
Gainera, CNT sindikatuak gogorarazi du "autorea zenbait alditan zentsuratua izan da berak egindako lana dela eta". Honen azken adibide bat da liburu hau aurkezterako orduan Amurrion gertatu dena. Honek "lan hau ezagutarazteko esfortzua merezi duela" esan du erakunde antolatzaileak.
Hitzordua arratsaldeko 19:30etan izango da, Alde Zaharreko Pilota kalearen 10. zenbakian dagoen La Bolsa Udaltegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun