Azkorri babes dezagun!

Erabiltzailearen aurpegia

Kezka handiz jarraitzen ari gara Gorrondatxe hondartzako errepidearen lanak. Bertan Getxoko Udalak biribilgune bat eraiki nahi du, teorian autobusak ezin duelako buelta eman segurtasunez, gero eta kotxe gehiago batzen direlako bertan.

EAJ-PSEren Udal Gobernuak esan zuen obrek "ez zutela berdegunean eraginik" izango: argazkia ikustea besterik ez dago hori ez dela horrela konturatzeko. Beste behin ere, porlana eta grisa berdearen gainetik.

EH Bilduren arabera, ezinbestekoa da Azkorri eta Gorrondatxe ingurua babestea. Gero eta gehiago dira inguru horretara kotxez joaten direnak, eta horrek arazoak sortzen dizkie bertako auzokideei, kutsadura eta zarata areagotzen du, inguru naturala dena gero eta urbanizatuagoa izaten ari da... Getxoko Udalari dei egiten diogu neurri eraginkorrak har dezan Azkorri eta bere ingurua babesteko. Halaber, mugikortasunean ere alternatibak eskaintzea beharrezkoa da: autobusaren maiztasunak handitu, bizikletentzako aparkaleku seguruak sortu, kotxeek txarto aparkatzea debekatu, bizikletaz eta oinez joateko kanpaina abiatu eta abar.

Adi jarraituko dugu!

Erlazionatuak

Zientoetxen biribilgune bat jartzeko lanak hasi dira

Getxo

Joan den astelehenean abiatu zituzten Getxoko Zientoetxeko errepidean biribilgune bat egiteko lanak, Goienetxeko estratako bidegurutzean. Obrak egi...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun