2018ko mar. 5a, 20:27
Gure Esku Dagoko gazte taldeak 70 gazte biltzea lortu zuen Azebarrin egindako aurkezpenean.
Joan den larunbatean, hilaren 2an, Gure Esku Dagoko gazte taldeak gazteei zuzendutako aurkezpen bat egin zuen. Bertan, Gure Esku Dagok aurten duen egitasmoa azaltzea zen helburua, bai nazio mailan eta baita Getxo mailan egingo zena ere.
Horretaz gain, gazte taldeak bere erronka plazaratu zuen. Gazte taldearen helburua da giza kateko kilometro bat 500 gazte getxoztarrez osatzea, hau da, "gazte kilometro" bat egitea. Aurkezpen arrakastatsua izan zen, 70 gazte inguru hurbildu ziren.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!