Euskal Herria: Biharko korapiloak askatzen

2019/04/09 19:30

Algortako kultur etxea (Villamonte) | Getxo

"Euskal Herria: biharko korapiloak askatzen" titulupean, solasaldi bat antolatu dugu. Horretarako, bi emakume, erreferenteak beren arloan, gonbidatu ditugu ekitaldira: Beatriz Akizu Eusko Ikaskuntzako kidea eta Amalur Alvarez Gure Eskuko bozeramailea. Bi kontu hartu ditugu aintzat solasaldirako. Batetik, joan den hilabetean antolaturiko mahai-inguruan Aingeru Epaltzak eta Zelai Nikolasek azpimarratutako eragile garrantzitsu bat: Eusko Ikaskuntza. Bestetik, Gure Eskuk ziklo berri bati ekin dio joan den igandean eta ziklo horren berri eta helburuak gizarteratu nahi ditugu. Hitzordua: apirilaren 9an, 19:30ean, Algortako Kultur Etxean (Villamonte).

Euskal Herriaren orainaz eta geroaz

2019/03/26 19:30

Algortako kultur etxea (Villamonte) | Getxo

Euskal Herriaren orainaz eta geroaz berba egiteko, mahai ingurua. Martxoaren 26an, 19:30ean, Algortako Villamonteko Kultur Etxean. Parte hartuko dute: Beatriz Akizu, Aingeru Epaltza eta Eguzki Urteaga (EAE, Nafarroa eta Ipar Euskal Herria, hurrenez hurren). Herri bat gara: Euskal Herria. Eta Euskal Herria dugu helburu eta, hala ere, hiru erkidegotan gaude banatuta eta hiru erritmotan ari gara lanean: Euskal Autonomia Erkidegoa, Nafarroako Foru Erkidegoa eta Ipar Euskal Herria. Hiru erritmorekin ari bagara ere, esan dezakegu helburu bakarra dugula? Eta horrela bada, zein dira lan horren nondik norakoak, zertan ari da erkidego bakoitza, zein asmo du etorkizunari begira? Hiru mahaikideak aurreko galdera horien erantzunak emateko ahaleginduko dira.

KATALUNYA ASKATASUNAK GALDU ZITUEN EGUNA

2019/01/29 19:30

Itzubaltzetako Kultur Etxea Getxo

Getxoko Gure Esku Dagok antolatuta, urtarrilaren 29an "20 S" dokumentalaren proiekzioa eskainiko da Itzubaltzetako Kultur Etxean, 19:30ean. Proiekzioaren ondoren, Bego Olaizola ANC Euskal Herria taldeko kidea parte hartuko du. Jaume Roures zuzendutako lanak 2017ko irailaren 20an Bartzelonan gertatu zena jasotzen du. Dokumentalak agerian uzten du Jordi Cuixart (Omnium) eta Jordi Sanchez (ANC) –urritik preso daude biak– manifestariei etxera joateko eskatzen aritu zirela, eta ahaleginak egin zituztela guardia zibilek eta epaitegiko idazkaria arazorik gabe atera zitezen. Hain zuzen ere, Juan Pablo Llarena epailaren autoek matxinada delitua leporatu zieten Cuixarti eta Sanchezi.

  Jendartea 2018-11-07 18:09

Tripontzia Urteberriko saria

Erabiltzailearen aurpegia GureEskuDagoGetxo

Bigarren urtez, Gure Esku Dagok Tripontzia Urteberriko Saria ekimena martxan jarri du. Dagoeneko kalean da, eta saritik jasotako dirua Gure Esku Dago taldea finantzatzeko erabiliko da. Euskal Herri osoan egongo da salgai, baita gure udalerrian ere.

  Politika 2018-09-29 12:23

Getxoko Gure Esku dago: "Catalunya, seguim amb vosaltres"

Erabiltzailearen aurpegia GureEskuDagoGetxo

Getxoko Gure Esku dago: "Catalunya, seguim amb vosaltres"

Kataluniako erreferendumaren urte bat betetzen denean, Getxoko Gure Esku Dagok elkarretaratze bat antolatu du Algortako Telletxe plazan: urriaren 1ean, 19:00etan.

Kataluniarekin elkartasuna

2018/10/01 19:00

Algortako Telletxe plaza Getxo

Gure Esku Dagok urriaren 1eko erreferendumaren garrantzia azpimarratu nahi du, eta demokrazia, bakea eta askatasunaren alde lan egin zuten eta lanean jarraitzen duten herritarren duintasuna txalotu. Hau dela eta, Getxoko GEDek elkarteratze bat antolatu du Algortako Telletxe plazan. Hitzordua: urriaren 1ean, 19:00tan.

  Politika 2018-09-20 17:03

Kataluniarekin elkartasunez, ekitaldia Gernikan

Erabiltzailearen aurpegia GureEskuDagoGetxo

Kataluniarekin elkartasunez, ekitaldia Gernikan

Kataluniako erreferendumaren lehen urtemugaren harira, irailaren 29an Gure Esku Dagok ekitaldia egingo du Gernikan, demokrazia defendatu eta Kataluniari, preso politikoei, erbesteratuei eta errepresaliatuei elkartasuna adierazteko. Getxotik autobusak antolatuko dira.

  Politika 2018-05-20 21:29

Giza katerako azken txanpa!

Erabiltzailearen aurpegia GureEskuDagoGetxo

Giza katerako azken txanpa!

Ekainaren 10eko giza katean izena emateko azken txanpan sartu gara. Autobuseko tiketak erosteko azken eguna ekainaren 1a izango da.

  Jendartea 2018-04-21 14:14

"Klik Eguna", maiatzaren 5ean Getxon

Erabiltzailearen aurpegia GureEskuDagoGetxo

"Klik Eguna", maiatzaren 5ean Getxon

Ekainaren 10eko giza katean izena emateko bultzada handi bat emateko helburuarekin, Getxoko Gure Esku Dagok "Klik eguna" antolatu du maiatzaren 5erako.

  Politika 2018-04-12 11:21

Ekainaren 10eko giza-katerako izena eman!

Erabiltzailearen aurpegia GureEskuDagoGetxo

Ekainaren 10eko giza-katerako izena eman!

Getxoko puntu ezberdinetan aukera egongo da ekainaren 10eko giza katean izena emateko.