EtorkiZUna ehuneko ehunean

Erabiltzailearen aurpegia

Atzo aurkeztu zen Algortan aurtengo bide orria. Herri ituna eta ekainean burutuko den giza katea dira ardatz nagusiak. Getxon, dinamika bat jarri da martxan herri itunari ekarpenak egiteko. Horretarako, ehun boluntario behar dira.

Hainbat arrazoirengatik (orain arte egin dugun lanaren oihartzunagatik, eratu dugun ehun sozialagatik eta gure herriak bizi duen koiuntura politikoagatik), uste dugu une garrantzitsu batean gaudela eta jauzi kualitatibo bat egiteko ordua iritsi dela.

Prozesu bat abiatu dugu Euskal Herri osoan, herritarren itun bat egitera eramango gaituena (2019 arrazoi erabakitzeko) eta Getxon ere gure zergatiak eta zertarakoak gehitu nahi ditugu.

Prozesua lau urte hauetan sortu dugun ehunetik abiatu gura dugu, parte-hartze ehuneko ehun herritar eta demokratiko batetik. Baina, ezinbestekoa da ZUK ere parte hartzea, herritarrona izango bada.

Prozesua behar bezala egiteko, 100 boluntario behar ditugu eta zu horietako bat izatea proposatzen dizugu. Prest bazaude (edo zer edo zer galdetu nahi badiguzu), bidali zure izena gureeskudagogetxo@gmail.com helbidera eta harremanetan jarriko gara zurekin (boluntarioak izena emandako hurrenkeran hautatuko ditugu, behar ditugun guztiak bildu arte).

Animo: EtorkiZUna Gure Esku Dago!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun