Giza katerako azken txanpa!

Erabiltzailearen aurpegia

Ekainaren 10eko giza katean izena emateko azken txanpan sartu gara. Autobuseko tiketak erosteko azken eguna ekainaren 1a izango da.

Egun gutxi falta dira ekainaren 10erako, egun gutxi besterik ez 2014an bizitakoa berriro sentitzeko. Urte horretan 100.000 pertsona baino gehiagok sentimendu berdina jarri genuen helburu bakar batekin, gure herriaren etorkizuna libre erabaki nahi genuela, eta, aurten, sentimendu handiagoz emango dizkiogu eskuak elkarri. Getxotik 1.500 pertsona baino gehiago joan ginen Antzuolara, eta ziurrenik asko eta asko etxean geratu zineten Gure Esku Dago dinamika ezagutzen ez zenutelako edo oso gazteak zinetelako, gaixorik zeundetelako, edo dena delakoa. Horrelako egoera batean egon zinen hori, lasai. Aurten hori bera sentitzeko aukera izango duzu. 5 urte geroago, getxoztarroi Altube dagokigu, baina berdin du ze lekutan lotzen garen, Donostiatik hasitako, Bilbotik pasatako eta Gasteizera heldutako ilusio energia hori gure eskuetatik zelan igarotzen den ere nabarituko dugulako. Eta ez hori bakarrik, maiatzaren 19an Iruñean egingo den ekintza erraldoiko eskuak ere gure barnean edukiko ditugu.

Hori guztia bizitzeko aukera bakarra ekainaren 10ean izango da. Zure herriaren etorkizuna benetan libre erabakitzeko gogoa baduzu, ez duzu inolako aitzakiarik etxean geratzeko. Gogoratu, trenak behin pasatzen direla diote batzuek, oraingo honetan bigarren aldiz igotzeko aukera duzu eta berriro begira geratuko zara?

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun