Kataluniarekin elkartasunez, ekitaldia Gernikan

Erabiltzailearen aurpegia
Gernikako ekitaldiaren aurkezpena. © GURE ESKU DAGO

Kataluniako erreferendumaren lehen urtemugaren harira, irailaren 29an Gure Esku Dagok ekitaldia egingo du Gernikan, demokrazia defendatu eta Kataluniari, preso politikoei, erbesteratuei eta errepresaliatuei elkartasuna adierazteko. Getxotik autobusak antolatuko dira.

Gure Esku Dagok urriaren 1eko erreferendumaren garrantzia azpimarratu nahi du, eta demokrazia, bakea eta askatasunaren alde lan egin zuten eta lanean jarraitzen duten herritarren duintasuna txalotu.

Hartarako, irailaren 29an ekitaldi bat antolatuko dugu Gernikan, hango Udalarekin eta eragile sozialekin elkarlanean, demokraziaren defentsan.

Obra kolektibo bat sortuko dugu, kutsu artistiko eta politiko handiko ekitaldi berezi batekin, edozein herrik bere etorkizunaz erabakitzeko duen askatasunaren aldeko mezua zabalduko dugu Gernikatik, Euskal Herriaren askatasunaren ikur den leku sinbolikoa horretatik (17:30ean, Astra kanpoan).

Ekitaldira joateko autobusak antolatuko dira Getxon (irteteko ordua eta apuntatzeko lekuak, ondorengo irudian).

Ekimenaren kartela

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun