Tripontzia Urteberriko saria

Erabiltzailearen aurpegia

Bigarren urtez, Gure Esku Dagok Tripontzia Urteberriko Saria ekimena martxan jarri du. Dagoeneko kalean da, eta saritik jasotako dirua Gure Esku Dago taldea finantzatzeko erabiliko da. Euskal Herri osoan egongo da salgai, baita gure udalerrian ere.

Tripontzia Urteberriko Saria Euskal Herriko zozketa izateko anbizioarekin jaiotako ekimena da. Euskal komunitatea bere osotasunean aintzat hartuta eta elkarren arteko loturak estutzeko asmoarekin, Euskal Herriko lurraldeak eta diasporak osatuko dute zenbaki bakoitzeko zortziko seriea. Saldutako zenbaki guztiak 2019ko urtarrilaren 21ean notario aurrean egingo den zozketa batean parte hartuko dute.

Zenbaki bakoitzak zortzi serie ezberdin ditu (Araba, Bizkaia, Gipuzkoa, Lapurdi, Nafarroa, Nafarroa Behera, Zuberoa eta Diaspora) eta  guztira, hiru zenbaki saridun egongo dira:

  • 60.000 euroko sari nagusi bat. Zenbakia eta seriea egokitzen zaion txartelari.
  • 2.000 euro zenbaki bereko gainontzeko zazpi serieen txartel bakoitzari.
  • 1.500 euro bigarren zenbaki bateko serie bakoitzari.
  • 1.000 euro hirugarren zenbaki bateko serie bakoitzari.

Txartel bakoitzak 5 euro balio ditu, eta udalerriko zenbait saltokietan salgai egongo dira. Horrez gain, Gure Esku Dago taldearen kideek ere saltzen egongo dira.

Ekimenaren kartela

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun