Umeek ibilbide bera izango dute, baina laburragoa. Sariak sei kategoria izango ditu: gizonezkoak, emakumeak, 40 urtetik gorako beteranoak, umeak eta Euskal Naturista Elkarteko kideentzako bi maila: gizonezkoak eta emakumeak. Aurten, beteranoen kategoria bateratu da, iaz oso emakume edadetu gutxik hartu zuelako parte. Lasterketa bukatzen duten parte-hartzaile guztiek jasoko dute opariren bat eta maila bakoitzeko lehenengo hiru sailkatuek garaikurra irabaziko dute.
Bestalde, lasterketa horretaz eta beste hainbat kontuz hitz egiteko Bizkaie! bizkaierazko aldizkari elektronikoak elkarrizketa egin dio Patxi Ros lasterketako asmatzaileari.
Gaiaren inguruko berriak:
Patxi Ros: "danok gara narzisistak" (Bizkaie!)
Lasterketa nudistaren VII. edizioa izango da larunbatean Barinatxe hondartzan
Euskal Naturista Elkarteak antolatuta, larunbatean Patxi Ros sariaren VII. edizioa izango da Barinatxe hondartzan. Uribe Kostako kirol eta nudismoaren data garrantzitsu horretan dozenaka pertsona biltzea espero du antolakuntzak, izan ere, urrun gelditu da 1999ko 49 korrikalarien kopurua eta pasa den edizioan 130 bat korrikalari hartu zuten parte, biluzik, jakina. Lasterketa goizeko 11:00etan hasiko da, izena ordu erdi lehenagotik aurrera eman ahal izango bada ere. Ibilbidea Sopelatik Getxora egingo da, bost kilometroz, harea gogorretik, itsasbeherako orduetan. Argazkia Bizkaie! aldizkariarena da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun