Udazkenean hasiko dira Astrabuduako saihesbideko bigarren zatia egiten
2005ko ira. 15a, 14:51
Astrabuduako saihesbideko (II fasea) enkante prozesuari hasiera eman dio Bizkaiko Foru Aldundiak. Aurrekontua 6,62 miloi eurokoa da. Lanak, seguru asko, datorren udazkenean hasiko dira, eta horiek burutzeko epea 24 hilabetekoa izango da, udal iturriek jakinarazitakoaren arabera. Azpiegitura honen helburua Erandioko auzo honetan trafikoa arintzea, eta era berean, Avanzada eta itsasadarreko errepidea lotuz, ordezko bidea egitea da. Gainera, Udondoko eta Lamiakoko industrialdeetarako sarbideak ere egingo dituzte. Argazkian, saihesbideko lehenengo zatia egiteko Mezo kalean egindako lanak.Bideak 1500 metro izango ditu eta 3,5 metroko errei bi (noranzko bakoitzerako bat). Metroan izango du hasiera, eta Astrabuduarako itsasadarreko sarbidearekin bat eginez, auzoa mendebaldetik inguratu eta Mezo kalean, duela urte batzuk egindako saihesbideko lehenengo zatiarekin bat egingo du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun