Eztabaida politikoa bultzatu gura du Elkarrik
2003ko aza. 7a, 15:07
Juan Jose Ibarretxe EAEko lehendakariak aurkeztutako egitasmoaren aurrean eta alderdi politiko ezberdinek iragarritako ekimenein bideari jarraituz, "EAEn ireki berri den eztabaida politikoa" bultzatzeko asmoa adierazi du Elkarri mugimenduak. Por la paz y el diálogo en el País Vasco izenburua daukan kaleratutako azken boletinean aipatzen denez, "elkarbizitzarako esparrua hobetzeko jaio diren ekimen anitzek, EAEn inoiz eman ez den eztabaida bidea zabaldu dute".Elkarriren ustez, "Transizio Garaian itxi gabe utzi ziren hainbat gai berriz hartzeko aukera" zabaltzen ari da berriro. "Behar bezala bideratzen bada, emaitza paregabeak izan ditzakeen aukera baten aurrean gaude; gure gizarteko sentiberatasun ezberdinak bilduko dituen eztabaida gunea eraiki ezin badugu, aldiz, galdutako aukera izango da", gaineratzen dute. Hori dela eta, "hain garrantzitsua den testuinguru honetan", eztabaida gizartean eta ekimen guztien arteko konponbidea bultzatu nahian arituko da Elkarri.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun