Gainera oraingo pisu-kideei agur esan, etxez aldatu, eta neska-lagunarekin bizitzera joatea erdietsi dut. Alokairuan, klaro. Tarteka-marteka otutzen zait alokairuan barik erosita joan nintekela nonbaitera. Baina etxebizitzen “burbuila” batean omen gaude eta etxebizitzen hipotekekin arazoak are handiagoak izan daitezkela esan digu Europako Batzordeak asteon. Inmobiliaria edo bankua? Bizitzan hartu behar izaten diren erabaki garrantzitsuen zerrendan sartu dut, Euskadiko espainiarra, Espainiako nafarra, Frantziako espainiarra edo Guineako euskalduna naizen erabakitzea legez.
Asteburua gainean da. Horrek kezka eta zalantza guztiak albo batera utzita, plan hoberik agertu ezean, ni Euskal Herrian euskararen alde ekimen berriak antolatzen, aurkezten eta laguntzen segitzen duten euskaltzale horietako bat izango naiz.
Dena dela, planarekin lotuta, iradokizun bat: zergatik ez “Euskara, Euskal Herriaren hizkuntza propioa, hizkuntza ofiziala izango da. Euskadin, gaztelania bezala, eta bertako biztanle guztiek dute hizkuntza biok jakiteko eta erabiltzeko eskubidea” dioen lekuan, Eusko Jaurlaritzaren estatutu proposamen horretan beste hau jarri? “Euskara, Euskal Herriaren hizkuntza propioa, hizkuntza ofiziala izango da. Gaztelania eta frantseza ere hizkuntza ofizialak izango dira euskara bezala, eta bertako biztanle guztiek dute, euskara bezala, horiek jakiteko eta erabiltzeko eskubidea”.
Frantzesa eta gaztelania euskara bezala - Igor Elordui / AEKko kom. arduraduna
2003ko aza. 8a, 22:29
Ezin dut ebitatu Rabanerari Gracita Moralesen antza hartzea “¡señoritoooo!” deiadarka. Egunotan telebista espainiarraren El club de la comedia eta Cine de Barrioren arteko nahaste baten traza hartzen diodan zurrunbilo birtual batean murgilduta bizi naizela ematen dit telebista ikusi, irratia entzun edo egunkaria irakurtzen dudan bakoitzean. Eta Arturo Fernandez, Alfredo Landa eta halako piloa etortzen zaizkit burura albistegi eta egunkarietako orriei so paratzen naizenetan. Kezkatuta nago. Sikiera Basetxea edo Klaudio Landa gogoratuko balidate.. baina ez, beste horiek dira nire erreferenteak antza eta ez dakit norena den errua baina horrela da. Kristo bat eginda daukat burua.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun