'Iruzurtzat' jo ditu SAk Eusko Jaurlaritzako aurrekontuak

Erabiltzailearen aurpegia
Joseba Alvarez Sozialista Abertzaleak taldeko parlamentarioak adierazi duenez, "iruzur baten antzekoa" da Eusko Jaurlaritzak aurkeztu duen aurrekontu egitasmoa. "Aldaketa politikoaren garaian gaudela badirudi ere, aurrekontu proiektua iaz bezalakoxea da" adierazi du SAko parlamentarioak, Ibarretxeren Planari ez baition erreferentziarik egiten, berak kritikatu duenez.
Alvarezen hitzetan, "proiektu neoliberal" bat da, gastu sozialera zuzenduta dagoen % 72a, Europako batezbestekotik urrun dagoelako. "Europan Barne Produktu Gordinaren (BPG) aurrekontuaren %27a eskaintzen diote, eta Jaurlaritzak %20a eskaintzen dio", gaineratu du.

Halaber, garapen jasangarriari buruzko atala ez dela betetzen salatu du Alvarezek, "energia sektorea pribatizatzeko" joera duelako. Horrez gain, euskararen eta euskal kulturaren alde lan egiteko politika berriak ez aurkeztea kritikatu du, eta etxebizitzaren garestitzeari buruz ez duela ezer planteatzen.

Sozialista Abertzaleak taldeak proiektu honi hainbat emendakin aurkeztuko dizkio, baina Alvarezek ez du zehaztu osotasunean aurkeztuko duen.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun