Gizon bat atxilotu zuten asteartean Areetan, ustez, droga saltzeagatik

Erabiltzailearen aurpegia
Getxoko Udaleko iturriek jakitera eman dutenez, R.H.H. 42 urteko gizona atxilotu zuen joan den asteartean Udaltzaingoak, ustez, Areetako taberna batean bezero bati droga saltzen ari zitzaiola. Atxiloketa unean, kokaina 25 dosi atzeman zizkioten eta, ondoren, bere etxean egindako miaketan, beste kokaina 40 dosi eta hatxisa aurkitu zituzten. Baita osagai hauek pisatzeko balantza eta dirua ere. Jadanik epailearen aurrera eraman dute gizona.
Udaltzainek burututako ikerketen emaitza da atxiloketa. Hasiera-hasieratik susmoak piztu zituen Leioan bizi den gizon honek, bere jokaeragatik. Ondorioz, Areetako taberna alboan zaintza egin eta, ustez, bezero bati droga saltzen ari zitzaion une berean atxilotu zuten udaltzainek. R.H.H.k, 42 urtekoa eta Leioako auzokidea, aurrekariak ditu ondarearen aurkako delituengatik. Epailearen aurrera eraman zuten joandako asteartean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun