'Euskal Unibertsitate Legea' aztertuko du bihar EIRE-k
2003ko aza. 18a, 20:14
Unibertsitateko Euskal Irakasleen Elkarteak (EIRE) 'Euskal Unibertsitate Legea' izeneko mahai-ingurua antolatu du biharko, EHUko Leioako campuseko Gizarte eta Komunikazio Zientzien Fakultateko Gradu aretoan, goizeko 11:00etan aurrera.EIREko iturriek ,akinarazi dutenez, Euskal Unibertsitate Legearen edukia eta ezaugarriak aztertuko dituzte jardunaldietan. Eta horretarako, hainbat esparru hartuko dira kontutan: unibertsitate sistema, lurraldetasuna, euskararen garapena, irakasleria, lan-kontratuak eta ikasleria, besteak beste.
Jon Barrutia Eusko Jaurlaritzako Hezkuntza eta Unibertsitate sailburuordea, Alberto Bilbao EIRE elkarteko koordinatzaile nagusia eta Alex Marañón Ikasle Abertzaleen ordezkaria izango dira mahai-ingurun parte hartuko dutenak. Eta Iñaki Zabaleta EHUko Kazetaritza Fakultateko katedraduna izango da moderatzailea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun