Tangoen doinuek beteko dute bihar Areto Nagusia

Erabiltzailearen aurpegia
Cecilia Rodríguez eta Sonia Levitán-ek osatzen duten bikote musikalak tangoaren, milongaren eta beste erritmo argentinar batzuen doinuekin beteko dute bihar, eguerdiko 12,00etatik aurrera, EHUko Leioako campuseko Areto Nagusia, Asteazken Kulturalak jardunaldien barruan.
Buenos Aireseko bi musikariak 1988an elkartu ziren bikotea osatzeko, konposaketa propioak egiteko asmoz. Bien ahotsek eta musika tresnek dauzkaten berezitasunak kontutan hartuz, gutxi dira mundu mailan dauden mota honetako bikote musikalak. Bakar batzuen artean dago Cecilia Rodríguez-ek eta Sonia Levitán-ek osatzen dutena.

Argentina iparraldetik hegoaldera, bidai musikala egitera gonbidatu nahi dituzte, goizeko 12:00etatik aurrera, Areto Nagusira batzen diren guztiak; argentinarren paisaietan, ohituretan, minetan eta pozetan murgilduz. Eta, nola ez, tangoaren sorterria den Buenos Aires hirian geldiunea eginez.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun