Itxialdia egingo dute Soto del Realeko euskal presoek Kepa Saratxagari emandako jipoiagatik

Erabiltzailearen aurpegia
Itxialdia egingo dute Soto del Realen, Kepa Saratxagari funtzionarioek emandako jipoiaren kontra protestatzeko eta Kepa zigor ziegetatik atera dezaten exijitzeko. Astelehenean 'plantea' egin eta aste hau ziegetan itxita egingo dute Soto del Realen dauden 54 euskal preso politikoek, funtzionarioen inpunitatearen aurrean protesta egiteko.
Kepa Saratxaga azaroaren 12an jipoitu zuten funtzionarioek. Asteburu honetan, begi bat handituta daukala ikusi ahal izan dute bisita egin dioten lagunek. Gainera, jipoia jaso eta gero, bakartze geletan isolatuta jarraitzen du.

Kepak azaldu zuenez, erasoa besterik gabe gertatu zen. Harrituta gelditu zela adierazi zuen, funtzionario hori ezertaz ezagutzen ez zuelako eta bat-batean jotzen hasi zitzaizkiolako.