Informazio, Komunikazio eta Turismo Arloa osatzen duten zinegotziek egindako azkeneko batzarrean, herritarrekin harreman zuzena izateko egitasmo honetan parte hartzearen alde agertu ziren Sopelako Udalean dauden alderdi politiko guztiek. Sistema berria zelan dabilen azaltzeaz gain, sopeloztar guztiak 'lerro zuzena' erabiltzera bultzatzeko erabakia hartu zen bilera horretan.
Honen bidez, iradokizunak eta iritziak bidal diezaiekete sopeloztarrek zinegotzi eta udal talde politikoei, hauek herritarren izenak ezagutu gabe. Hori bai, aurretik identifikatu eta galdera zeini egin nahi dioten adierazi beharko dute.
Udalerriko alderdi politikoekin harreman zuzena izateko aukera edukiko dute, bihartik aurrera, sopeloztar guztiek. Taldeei ez ezik, zinegotziei ere, galderak egin ahal izango dizkiete herritarrek, Sopelako Udalak daukan web orrialdean zabalduko duten komunikazio 'lerro zuzena'-ren bidez, www.sopelana.net helbidean alegia. Alderdi politikoak, gehien jota, aste baten buruan erantzuteko konpromizua hartu dute. Gainera, interesgarritzat jotzen dituzten galdera-erantzunak webgunean agertuko dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun