Sahararen aldeko Getxoko ATFAL elkartearen ekimenez, ‘haima’ handi bat jarriko dute, larunbatean, Algortako Metroko Plazan. Goizeko hamarretatik aurrera, henna eta iltze tailerretan parte hartzeko eta tea dastatzeko aukera edukiko dute bertara batzen diren guztiek. Horretaz gain, eskutitzak eta irudiak eskatuko dizkiete txikienei Saharako kanpalekuetara bidaltzeko eta bertokoekin trukatzeko. ‘Mendebaldeko Sahara. Saharauitarren Herria’ argazki erakusketa ere egongo da ikusgai, Euskal Fondoaren eskutik. Azkenik, eguerdiko hamabietatik aurrera, ‘Sherezaderen Txokoa’ emanaldia eskainiko dute Oihulari Klown taldekoek. Besteak beste, ipuinkontaketa, musika eta antzerkia nahasten ditu ikuskizun honek.
Igandeari dagokionez, gobernuz kanpoko hainbat erakundek aurrera daramatzaten egitasmoen eta Getxoko Udalak 2002an diruz lagundutako proiektuen berri izateko topagunea bilakatuko da Algortako Metroko Plaza. Horretarako, etxolak ipiniko dituzte. Horretaz gain, kalejira eta musika, elkartasun jokoak, erakusketak eta rokodromoa egongo dira, goizeko hamaiketatik aurrera. 13:00etan, berriz, ‘La Revolución de las Lavanderas’ antzerki saioa eskainiko du CRAG taldeak.
Ekitaldiei 15:00etan emango zaie bukaera egun bietan.
Sahara ikusgai Metroko Plazan
2003ko aza. 21a, 18:51
Garapenerako Gobernuz Kanpoko Erakundeen (GGKE) eta getxotarren arteko hartu emanak sendotzekoasmoz, azaroaren 15etik aurrera ospatzen ari diren Getxotik Mundura jardunaldiak asteburu honetan izango dute bukaera.. Larunbatean Sahararen Eguna hartuko du Algortako Metroko Plazak, 10:00etatik aurrera. Igandean, berriz, GGKEen azoka ospatuko da toki berean.Besteak beste, Getxoko Udalak, Mugarik Gabek eta BBKk antolatutako topagune hauen seigarren edizioan, “herritarron sentsibilitate maila areagotu nahi izan da”, partehartzea, elkarrizketa, aniztasuna eta trukea bultzatzea helbutzat hartuz. Erakusketak, pelikulak eta ikastaroak guzti hori lortzeko bitarteko egokiak izan dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun