UEUko Historia Sailak landu du aldizkari elektroniko berria. Bertan, historiari buruzko lanak izango dute tokia, beti ere kalitatea zainduz. Zentzu honetan, Euskal Herriari eta munduari buruzko historia-gaien inguruko artikuluak bilduko ditu.
Bestalde, interesatuek eskura izango dituzte historia irakasteko oso baliogarriak diren materialak: testuak, mapak... Foro bat ere egongo da, historialariek eta historia zaleek hartu-emanak eduki eta ideiak elkartruka ditzaten.
'Kondaira.com' aldizkaria euskaraz egingo da oso-osorik. Horrela, historiaren inguruko gaiak landuko dituenez, bere generoko lehen webgunea bilakatuko da. Argitalpena sei hilabetero kaleratuko da eta erabilera publikoa izango du.
Historiari buruzko euskarazko lehenengo aldizkari elektronikoa aterako du UEUk
Udako Euskal Unibertsitateak (UEU) www.kondaira.com, historiari buruzko euskarazko lehenengo aldizkari elektronikoa, aurkeztuko du datorren asteartean. Aurkezpena UEUren Bilboko egoitzan izango da, 11,00etatik aurrera, eta Jurgi Kintana 'Kondaira.com'-eko zuzendariak eta Mikel Aizpuru UEUko Historia Saileko kideak hartuko dute parte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun