Barrez lehertzeko aukera aparta, asteazkenean, The Pipper's Irish Pub-ean

Erabiltzailearen aurpegia
Kike Amonarrizek, Asisko Urmenetak eta Antton Olagariagak osatutako hirukote definiezinak 'Euskaraz Lardaxkatzeko Manerak' umorezko hitzaldia eskainiko dute, azaroaren 26an, 20:00etatik aurrera, Algortako The Pipper's Irish Pub tabernan.

Getxoko V. Euskara Jardunaldien barruan, eta hirugarren urtez Umore Jardunaldiei eutsiz, Bizarra Lepoan Euskara Elkarteak antolatu du ekitaldia.
Euskara altxorra omen dugu, biraorik ez duen hizkuntza garbia, eta bla, bla, bla,.. Getxora etorriko den hirukote definiezinak mintzajea lardaxkatu, narrastu, botigatu, kakanahasi egin nahi du; bai eta lortu ere. Diziplina anitzetatik bidaiatuko dira adierazkortasunean barrena, irudigintza eta irudimena korapilatuz, The Pipper's Irish Pub-ean elkartzen diren guztiak. Osagai zaharrez zein berriz prestatuta dago saltsa hau, eta bertako ekarpenez errezeta aberastuko gero. Umore marka dauka mintzaldiak eta entzuleak ere parte hartzaile egin nahi dituzte.