Moroko, Iran, Argentina, Euskal Herria eta hainbeste herrietako erritmoak izango dira entzungai bihar, 20:00etatik aurrera, Algortako Kultur Etxeko bilera aretoan (Villamonte). Izan ere, Getxoko V. Euskara Jardunaldien barruan, munduko doinuak eta bertsoak uztartzen dituen 'Karidadeko Benta' ikuskizuna eskainiko dute. Sarrera dohainik izango da.
Duela ehun bat urte bazen Villabona eta Zizurkil artean 'Karidadeko Benta' izeneko leku bat. Bertan elkartzen ziren inguruko bertsolariak. Orain dela bi urte, Jon Maiak Karidadeko Bentaren proiektuari ekin zion munduko soinuak eta bertsoak uztartzeko asmoz. Besteak beste, Maroko eta Irango erritmoak eta, besteak beste, bolero, tango eta flamenko bezalako musika motez gozatu ahal izango du publikoak. Berriak eta aldi berean betikoak irudituko zaizkio horiek guztiak. Jon Maiarekin batera, Aran Santamaria, Inazio Tolosa, Jon Manzisidor, Imanol Manterola eta Domentx Uzin arituko dira ekitaldi paregabe honetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun