Ateak Zabalik Jardunaldiak Getxoko eta Leioako Lanbide Hastapenerako Zentroan

Erabiltzailearen aurpegia
Getxo eta Leioako Lanbide Hastapenerako Zentroak Ateak Zabalik Jardunaldiak egingo ditu asteazkenean eta ostegunean, zentroaren XV. urteurrena dela aprobetxatuz. Jardunaldi hauen helburua zentroa, eta bertan egiten den lana, Getxoko eta Leioako auzokideei erakustea da.
Lanbide Hastapenerako Zentroak Derrigorrezko Bigarren Hezkuntzako graduatua lortu ez duten 16 eta 21 urte arteko gazteei dago zuzenduta. Gaur egun, bertan, 60 ikasle daude lehenengo mailan, Merkataritza, Pintura, Iturgintza eta Galdaragintza tailerretan banatuta; eta beste 50 bat bigarren mailan, Zurgintza, Hostalaritza, Gizarte Zerbitzuak eta Lorezaintza tailerretan. Ikasketak burutu ondoren, ikasle hauen kopuru handi batek lana topatzen du.

Getxoko eta Leioako Lanbide Hastapenerako zentroko zuzendariaren arabera, "Ateak Zabalik Jardunaldiak oso esperientzia positiboak dira, ikasleak lortzen ari diren aurrerapenak erakutsi ahal izateko".

Leioako Iparragirre kaleko 98 zenbakian izango diren Ateak Zabalik Jardunaldiak. Asteazkenean, 9:30etik 13:00etara eta 16:30etik 18:30era. Ostegunean, goizez bakarrik.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun