Bilboko Metroa, bezeroen zerbitzura...bai zera! - Kepa Ugarte / Ukberri

Erabiltzailearen aurpegia
Metroa badoala ikusi, geltokian arrapaladan sartu eta, hara non, sudurren parean izten zaizkidan ateak. Oraindik ere, ispilutik begira dago gidaria, baina, bagoian sartzeko behar nituen segundo gutxi horiek batek daki non gelditu diren. Hurrengorako zenbat denbora gelditzen den begiratzea besterik ez daukat, baina begiak informazio panelera zuzendu, eta berriro ere, “San Inazioko geltokiko igogailua ez dabil. Barkatu eragozpenak” dion mezu nazkagarri hori. Ni Areetara bidean noa. Gainera, ibiltzeko saioan banago oraindik. Baina San Inaziora doazen aita-amek gorriak ikusi beharko dituzte semearen kotxetxoa geltoki-zulotik atera ahal izateko.
Beti ere zerbait apurtuta egon behar, eta euria egiten duenean are txarragoa izaten da. Nork ez du ezagutzen lurra bustita dagoelako laprast egin eta geltokian erori den lagunik? Gainera, gero kexuka joaten bazara ez pentsa aurpegi ona jarriko dizutenik. Nahiz eta ez aipatu, erortzearen errua zurea izan dela ulertzera ematen dizu batek baino gehiagok. Eskerrak metroko langile guztiak horrelakoak ez direnik.

Dena den, honekin ez dut esan nahi metroan guztia txarra denik. Larunbat gauetan, kotxeak etxean utzi eta leku batetik bestera mugitzen dira metroan ehundaka gazte, eta hain gazte ez direnek. Eskertzekoa benetan. Izan ere, arrazoia bata edo bestea dela inori errua bota gabe, jende asko hil egin da errepideetan azkenaldian.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun