Getxoko toki-izenen liburua argitaratu nahi du Udalak

Erabiltzailearen aurpegia
Azken hilabeteetan udalerrian eginiko toponimia azterlanaren emaitzak eta informazioa, bi argitalpenetan biltzeko asmoa adierazi du Getxoko Udalak. Besteak beste, 500 liburu eta 1.500 mapa kaleratu nahi dituzte. Elementu arkitektonikoak, ibaiak, baserriak, etxeak, eta udalerriko hainbat gune eta paisaiak aztertu dituzte, jatorrizko toki-izenak berreskuratu nahian, horietako asko, urteak pasa ahala galdute baitzeuden. Informazio guzti hori getxoztar guztiei helaraztea da Gobernu Batzordearen asmoa.
Hiruzpalau hilabeteko epean egongo dira eskura argitalpen horiek. Gainera, datu guztiak informatizatuta daudenez, etorkizunean CD-ROM batetan argitaratzea ez dute baztertzen. Bestalde, udalerriaren memoria historikoa gordetzeko, toki-izen galduak berreskuratzeko eta kale eta toki berrietan izen horiek jartzeko erabiliko ditu Udalak bildutako datuak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun