Jendartea 2003-12-11 20:30

Minusbaliatuenganako sentsibilizazio kanpainia abian jarri du Udalak

Erabiltzailearen aurpegia Ukberri
Balio-urritasunak dauzkaten getxoztarrenganako sentsibilizazioa bultzatzeko, ‘Ehuneko 100ean eskubideetan berdinak’ kanpainia martxan jarri dute Getxoko Udaleko Gizarte Zerbitzuek. Auzotar guztiak kontzientziatu nahi dituzte, gaixo hauek euren arazoak gainditzen erraztasun handiagoak izan ditzaten.

Besteak beste, buru-urritasunak dauzkaten lagunek egindako 30 mila eskuorri banatuko dituzte etxeetara. Gainera, gaixo hauek gainontzeko herritarrekiko bizi duten ezberdintasun egoeraz ohartarazteko, iman bana oparituko dute eskuorriekin batera.
Datu ofizialen arabera, 2.300 dira balio-urritasunen bat daukaten getxoztarrak. Hala ere, Gizarte Zerbitzuetako arduradunek jakinarazi dutenez, kopurua askoz handiagoa da, zenbaki horietan, Bizkaiko Foru Aldundian, euren burua elbarritzat hartzeko eskaera egin dutenak baino ez direlako kontutan hartzen. Adibide bezala, 128 gor daude, ofizialki, udalerrian; baina gorren elkarteen datuen arabera, 2.200 lagun dira entzumen urritasuna dutenak, hau da, Getxoko populazioaren %2,6a.

1999 urtetik dabiltza egitasmoa abian jarri nahian, baina udalerriaren hedapenak atzerapenak ekarri ditu, kanpainia zabalagoa antolatu ahal izateko. Horretaz gain, erakundeak eta enpresa pribatuak erakarri nahi dituzte, irisgarritasunaren helburuaren alde lan egin dezaten.

Gizarte Zeritzuetako arduradunek gogoratu dutenez, arlo honetan egindako lanagatik da ezaguna udalerria. Besteak beste, Elbarri Fisikoen Koordinadoreak Getxoko Udala saritu zuen gizatalde honekiko egindako lan handia dela eta.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa