Ibilaldia 2004ko materiala salgai Leiokako denda berrian

Erabiltzailearen aurpegia
Ibilaldia 2004ko materiala saltzeko, denda berria zabaldu zuten, pasa den astean, Leioako Sabino Arana kaleko 50 zenbakian. Besteak beste, kamisteak, sudaderak eta beste artikulo pila (prakak, txanoak, bufandak, eskularruak, poltsak, diruzorrak, buruko zintak...) daude salgai bertan. Sopelan ere beste denda bat daukate.

Urtarrilera arte, igandeetan izan ezik, goiz eta arratsaldez egongo da zabalik Leioako denda. Urtarriletik aurrera, berriz, ostegun, ostiral eta zapatuetan zabalduko dute, Maiatza bitartean.

Antolaketan parte hartzeko deia

'Elkarregaz heldu' lelopean, Leioako Betiko eta Sopelako Ander Deuna ikastolak dira 2004ko Ibilaldia antolatzeko arduradunak. Leioan egingo da maiatzaren bukaeran. Publizitatean, arropa dendetan, kulturan, kirolan, prentsan edota muntaian laguntzeko jendea eskatzen dute. Horrenbestez, Ibilaldiko antolatzaileekin kontaktuan jartzeko helbide elektroniko hau jarri dute: ibilaldia2004@yahoo.com

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun