Hurrengo eguaztenean, alegia, abenduaren 24an beste Olentzero jai batez goza dezakezue, oraingo honetan Leioan bertan. Kalejira eta kale antzerkia dira egongo direnen artean azpimarragarrienak.
Eta bukatzeko, abenduaren 27an egongo denaren berri eman behar dizuegu. Larunbat horretan bertan San Mames futbol zelaian Ander Deuna eta Betiko ikastoletako ikasleek prestatutako ekitaldia aipatu beharra dago, hori bai, Euskadiko selekzioaren partida hasi aurretik izango da.
Antolaketan parte hartzeko deia
'Elkarregaz heldu' lelopean, Leioako Betiko eta Sopelako Ander Deuna ikastolak dira 2004ko Ibilaldia antolatzeko arduradunak. Leioan egingo da maiatzaren bukaeran. Publizitatean, arropa dendetan, kulturan, kirolan, prentsan edota muntaian laguntzeko jendea eskatzen dute. Horrenbestez, Ibilaldiko antolatzaileekin kontaktuan jartzeko helbide elektroniko hau jarri dute: ibilaldia2004@yahoo.com
Eider Senarriaga, Ibilaldia 2004
Jakin dakizuenez, Ibilaldiak hamaika ekitaldi antolatzen ari da beste gauza askoren artean, eta hortaz, ezin pentsa genezakeen Gabonetan ez zuela ezer prestatuko.Lehendabiziko ekitaldiak abenduaren 19an, barikuan izango dira. Aipatutako egunean Takolo, Pirritx eta Porrotx pailazoek euren azken ikuskizuna estreinatuko dute Sopelako Urko kiroldegian arratsaldeko zazpi t’erdietatik aurrera. Egun bardinean Olentzero jaia egongo da Leioako Betiko ikastolan. Pailazo ikuskizunerako sarrerak Sopelako Udaletxeko Hall Kulturalean, Ander Deuna eta Betiko ikastoletan, eta Sopela eta Leioako Ibilaldiko dendetan egongo dira salgai, 5 eurogatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun