Joan den uztailean hasi ziren sistema hau probatzen, toki eta ordu desberdinetan. Ordutik hona, 45 froga burutu dituzte, 18.248 ibilgailuen abiadura kontrolatuz. Abiadura-muga gainditu egin den errepideetako batzuk Algortako, Aingeruen edota Zugazarteko etorbideak izan dira. Alkateak adierazi duenez, "errepide horiek ez daude hain urbanizatuta eta gidariek ez dute oztoporik aurkitzen bidean". Radarra frogatzen egon diren bitartean, 818 gidarik ez dute legea errespetatu. Hauei gutuna bidali zaie etxera, baina ez diete izunik jarri.
2004ko urtarriletik aurrera, hauek zigortzen hasiko dira. Horretarako, radarra udalerriko toki batetik bestera mugitzeaz gain, egunez-egun ordu desberdinetan jarriko dute. Egoerak-egoera, hiri barruan abiadura-mugak ez errespetatzea trafiko arau-hauste larritzat jo daiteke. 92 eta 602 euro artekoak izaten dira isunak. Gainera, zenbait kasutan, gidatzeko baimena ken diezaiokete gidariari hiru hilabetetarako. Ordaindu beharreko dirukopurua murriztu ahal izango da, ordainketa lehenbait lehen egiten bada.
Hirigunean kotxeen abiadura kontrolatuko dute radar bidez, urtarriletik aurrera
Datorren urtearen hasieran, hirigunetik joaten diren ibilgailuen abiadura kontrolatzeko radarra jarriko du martxan Getxoko Udalak. 66.000 euroko gastua suposatu du sistema berri honek eta “istripuak ekiditzeaz gain, oinezkoei herri barruan lasaitasun handiagoa ematea eta kutsadura murriztea ere du helburu", Iñaki Zarraoa Getxoko alkateak azaldu duenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun