Jendartea 2003-12-22 18:28

Bost adin txikiko atxilotu dituzte Areetan beste gazte batzuei lapurtzeagatik

Erabiltzailearen aurpegia Ukberri
15 eta 16 urte bitarteko bost adin txikiko lagun atxilotu zituen atzo arratsaldean Getxoko Udaltzaingoak, ustez, mehatxuekin, adin txikikoak ziren beste gazte batzuei lapurtzeagatik. Gertaeran 18:00ak aldera izan ziren. Areetako Santa Ana inguruan, bost gaztek, ustez, beste mutil batzuk beldurtu eta sakeleko telefono bat eta dirua ostu zieten.
Erasotutako gazte batek udal poliziak ohartarazi zituen eta horiek ustezko lapurren bila abiatu ziren. Azkenean, Bizkaiko Zubian atxilotu zituzten ibaia gurutzatu baino lehen. Atxiloketa unean lapurtutako objektuak zeramatzaten aldean.

Horien artean, guztiak Sestaoko bizilagunak, beste udalerri batean antzeko gertakariak zirela eta atxilotutako bat badago. Diligentziak egiten ari dira Adin Txikikoen Fiskaltzara eramateko.

Getxoko Udaltzaingoak 30 lagun inguru atxilotu ditu aurten antzeko delituengatik.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa