Sabino Aranaren "arrazakeria" gaitzesteko mozioa aurkeztuko du Leioako PPk

Erabiltzailearen aurpegia
Udalak Sabino Aranaren "pentsamolde arrazista eta demokrazioaren aurkakoak" gaitzetsi ditzan, mozioa aurkeztuko du biharko osoko bilkuran Leioako PPk. Hauen iritziz, "gaur egungo euskal gizartearen gehiengoaren aurka doaz" EAJko fundatzaileak plazaratzen zituen ideiak. Horretaz gain, hiritarrak Sabino Aranaren "benetako izaeraz" jabe daitezen, honek lanak ezagutzera eman ditzala eskatuko dio Udalari.
Xabier Olabarrieta Leioako PPko bozeramaleak gaur adierazi duenez, "xenofobia, arrazismo eta etnizismo kutsu nabariak dauzka Sabino Aranaren ideologia. Hori dela eta, salatu ez ezik, gaitzetsi ere egin beharko luke Udalak". Proposamenarekin batera, EAJko fundatzailearen idatzietatik hartutako 30 aipamen baino gehiago aurkeztuko dituzte PPkoek, "Aranak eratu zuen nazionalismo baztertzailearen eredu direlakoan".

Besteak beste, 'Baserritarra' astekariko 11 zenbakitik ateratakoa adibidetzat jarri du Olabarrietak: "ustelkeria, ahulezia, adimen-galera eta ezjakintasuna dakarzkio halabeharrez gure arrazari euskaldunen eta espainolen arteko harremanak".

Sabino Arana hil zirela ehun urte betetzen direlako EAJk hainbat ekitaldi antolatu izanari erantzuna eman nahi dio PPk. Horrexegatik aurkeztu dute mozioa. Oraindik, bere izena dadamaten kalea eta kultur aretoa daudela Leioan ere salatu dute.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun