Natalia Rodríguez Erandioko IU-EBko zinegotziak adierazi duenez, "oinarrizko eskubideak urratzeaz gain, giza-eskubideez osoki gozatzeko etorkinek izaten dituzten oztopoetan sakontzea" suposatzen du datu horiek Poliziari emateak. Hiru hilabete igarota, "paperik ez" duten atzerritarrak Espainiatik kanporatzeko eskaera egin dezake Gobernuak.
Etorkinekiko gizarte osoaren elkartasuna lortu ez ezik, "PSOE-EEren kidetasunarekin batera", PPk aurrera eramaten ari den inmigrazio politika salatu nahi du IU-EBk. Rodríguezen iritziz, "gizartean arrazakeria, beldurra eta gorrotoa ereiten ari dira, etorkin guztiak gaizkileak direla salduz".
Horretaz gain, "segurtasuna" aitzaki duen politikaren bidez, "kanponarrak eskubiderik gabeko eskulan merkea bilakatzen duten mafiak" ugaltzea baino ez dute lortu sozialistek eta popularrek, Erandioko IU-EBko bozeramalearen esanetan.
'Etorkina ez da gaizkilea' kanpainia abian jarri du Erandioko IU-EBk
2003ko abe. 22a, 21:13
EAEn bizi diren kanpotarrek pairatzen duten egoeraren aurrean herritarrak sentsibilizatzeko, 'Etorkina ez da gaizkilea' kanpainia abian jarri du IU-EBko Erandioko batzordeak. Kartelak jarriko dituzte, Espainiar Gobernuko Barne Ministeritzari etorkinen errolda-datuak eman ez diezazkion Erandioko Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun