CSI-CSIF sindikatuaren iritziz, "desegokiak izateaz gain, legez kontrakoak" dira horrelako jokabideak "demokrazia garaian". Hori dela eta, auzitegietara jotzea erabaki zuten bere garaian. Epaileak Udaltzaingoko nagusi ohiaren alde egin zuen orduan. Ondorioz, sententzia horren aurkako helegitea aurkeztea erabaki du Getxoko Udalak, sindikatuko kideen hitzetan.
Gaur egun, Udaltzaingoko burua dena, ofizialorde postua hartzeko egokia zen ala ez erabaki behar zuen epaimahaian parte hartu zuen Ortizek. CSI-CSIFek salatu duenez, "auzitara eraman nahi zuen horregatik Udalak". Epaimahai horretan, Udaltzaingoko aditu gisa baino ez zuela parte hartu adierazi du sindikatuak. Hori dela eta, erantzunkizunak beste pertsonengan bilatzeko eskatu diote Zarraoari, "Humberto Cirarda alkate ohia eta lege-aholkuak ematearen ardura duen udal idazkaria" aipatuz.
Honen arira, "nahiz eta Zarraoak behin baino gehiagotan horrela adierazi", alkatearen aurkako inolako azpijokorik ez dagoela gaineratu dute.
Getxoko Udaltzaingoko burua kaleratzea kritikatu du CSI-CSIF sindikatuak
2003ko abe. 24a, 18:55
Javier Ortiz Getxoko Udaltzaingoko nagusi ohia kaleratua izan zen modua kritikatu du CSI-CSIF sindikatuak. Atzo plazaratutako prentsa oharraren bidez salatu dutenez, "bere iritzia baino ez" zuen kontutan hartu Iñaki Zarraoa alkateak erabaki hori hartzeko. "Besterik gabe, Ortizen jokabidea Zarraoarekin itxaropenekin bat ez zetorrelako jarri dute kalean", adierazi du sindikatuak, "ez zela bere gustokoa" gaineratuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun