Etxe batetako trastelekuetan lapurtzen saiatzeagatik gizon bat atxilotu dute

Erabiltzailearen aurpegia
Santurtziko 29 urteko gaztea atxilotu zuen atzo Ertzaintzak, ustez, Neguri auzoko etxebizitza batetako trastelekuetan lapurtzen saiatzeagatik. Eusko Jaurlaritzako Barne Sailak gaur jakitera eman duenez, etxe horretako bizilagunek lapurra atzeman eta polizia agenteak bertara heldu arte eduki zuten.
Enrique Aresti kaleko etxebizitza batetan izan ziren gertaerak, 16:00ak inguruan. Komunitate osoak erabiltzen duen garajeen parean dauden trastelekuetan, lapurtzen saiatzeagatik, bizilagunek eta zinpeko jagole batek gazte bat hartuta zeukatela ohartarazteko deia jaso zuen, ordu horretan, Ertzaintzak.

Bertara joan ziren polizia agenteek JI.C.P. atxilotu eta trastelekuetan hainbat apurketa bazeudela ikusi zuten: bere lekutik ateratako zerrailak eta apurtutako ate bat ere bai. Horrelako delituengatik aurrekariak baditu gizonak. Atxilotua Getxoko Epaitegira eraman dute gaur.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun