Dena prest euskal futboleko jaialdi handirako

Erabiltzailearen aurpegia
Dena dago prest bihar Euskal Selekzioak Uruguayen aurka jokatuko duen partidarako. Sarrera guztiak ia agorturik daude jada, San Mames bete-betea egongo den seinale, euskal futbolaren jaialdi handia ospatzeko.

Gainera, urtero legez, Ibilaldia ere bere lekua edukiko du berdegunean. Aurten, Sopelako Ander Deuna eta Leioako Betiko ikastoletako haurrek ikuskizun paregabea antolatu dute biharko, partida hasi aurretik.
Jose Angel Iribar eta Mikel Etxarrik deituta, arratsaldean bildu dira Lezaman biharko partiduko 20 jokalariak. Kontrako taldeari dagokionez, 2006ko Alemaniako Mundialerako sailkapenean sartzeko zorian dago.

Bi hautatzaileek lehiakortasunean oinarritutako talde bat osatu dute, berritasun askorekin, gainera. Partidu honetara deitutako hogei jokalarietatik zortzi Athletic-ekoak dira eta bost Realekoak.Beste askoren artean Asier Riego, Fran yeste, Luis Prieto, Pablo Gómez eta Carlos Gurpegi izango ditugu zelaian.

Beti bezala, euskal futboleko jaialdi bat ospatzea da asmoa, beti ere irabazteko gogoa galdu gabe.

Duela bost urte 5 eta 1 irabazi zion Euskal Selekzioak Uruguayko selekzioari. Azken horrek, aurten, bere taldeko jokalari hoberenak ekartzeko konpromisoa hartu zuen, baina azkenean talde gaztea aurkeztu du San Mamesen. Bere jokalarien artean izango dira Sevilla taldeko German Hornos, River Plate taldeko Diogo, Juventuse-eko Rubén Olivera eta Diego Perrone Mexikoko ligako jokalaria.

San Mames bete egingo da. BBK-ko kutxazain automatikoetan salgai egondako sarrerak agortu egin dira, baina oraindik San Mameseko lehiatilan eros daitezke.

Ilusioa beti erakutsi dute Selekzioko jokalariek. Gaur arrtsaldean baino ez dute entrenatuko denek batera, eta litekeena da bihar goizean ere San Mamesen bertan entrenamendu txiki bat egitea.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun