San Bartolome auzoa oinezkoentzat egokituko dute

Erabiltzailearen aurpegia
Leioako San Bartolome auzoko "garapenerako egitasmoei amaiera emateko", azpiegitura hobeagoak eta oinezkoentzako gune berriak egingo dituzte. Besteak beste, gaur egun erortzear dauden Oblatuen eliza eta Bizkaia geriatrikoa botako dituzte. "Jabeen eta udal arduradunen arteko negoziazioei esker, horiek bota eta aisialdirako gunea jarriko da bertan", Karmelo Sáinz de la Maza alkateak adierazi duenez. Auzoak hezkuntza eta kultura eskaintza zabalagoa ere edukitzea nahi dute.
Sagarrabarrena parkea eta Kultur Etxearen aurrean eraiki nahi duten plaza lotuko ditu oinezkoentzako ibilbide berriak. "Leioaztar guztien bizitza-kalitatea hobetuko da horrela", udal arduradunen ustez.

Horretaz gain, gune horretarako sarbideak hobetu nahi dituzte, San Bartolome eta Joaquin Achucarro kaleak eraldatuz. Bietan trabesean aparkatzeko lekuak, argiztapen berria eta zuhaitzak jarriko dituzte.

Beste alde batetik, ekimen pribatu askeko 40 etxebizitzetako eraikina egingo dute. Horre esker, 1.330 mila euro eskuratuko ditu Udalak, Kultur Etxea bera eta ingurunea egokitzeko asmoz.

Azkenik, San Bartolome ikastetxe publikoa handiagotzeko lanak egiteko baimena eman du Leioako Udalak. Eusko Jaurlaritzako Hezkuntza Sailarena izango da gimnasio eta jantoki berriak egiteko ardura.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun