Udal aurrekontuak erretira ditzatela eskatzeko, astelehenean amaituko da epea

Erabiltzailearen aurpegia
Azaroaren 28ko udalbatzan, 2004ko udal aurrekontuen behin-behineko onarpenaren aurrean, erreklamazio ereduak (pdf) prestatu ditu Getxo Biziak. Plataformako kideek adierazi dutenez, jada 42 pertsonek sinatu eta aurkeztu dute erreklamazio hau udal erregistroan. Datorren astelehenean, urtarrilaren 5ean, agortuko da aurkezteko epea. Udal aurrekontuen behin behineko onarpena baliogabea dela aldarrikatu eta aipatu aurrekontuak erretira daitezela eskatzen dute. Erreklamazio hauen bidez, bilkura horretako eztabaida eta bozketa oro "zilegitasunik gabekoa" dela salatu nahi dute Getxo Biziko kideek, udalbatzarra maiatzaren 25eko hauteskundeetan herritarrek bozkatutakoaren arabera osatuta ez dagoela adieraziz.
"Hauteskundeen emaitzen arabera osatu beharreko udalbatzan EAJ-EA-EB udal gobernuak ez du gehiengoa. Bozketak aurrera atera ahal izateko beste inoren aldeko botoa ala abstentzioa behar du eta aurrekontuen bozketan, gobernuarenak ez diren boz guztiak kontrakoak izan dira", diote plataformakoek. Horretaz gain, Getxo Biziak Pili Askorbebeitia zinegotziaren bitartez, aurrekontuak aldatzeko proposamena aurkeztu zuela gogoratu nahi dute; osoko bilkuran irakurri, eztabaidatu eta bozkatu gabe geratu zena.

Aurrekontuen edukinari dagokionez, politikariek "herritar guztion artean" ordaindu behar zaien "soldata potoloak" igo dituztela salatu nahi dute. Horretaz gain, 2004 urterako jarri diren hainbat zerga eta tasa, zarama bilketarena adibidez, "iruzurra antidemokratiko bitarte" ezarri egin direla uste dute Getxo Biziko kideek.

Azkenik, udal aurrekontuek 'Berria' egunkarirako, Euskal Herriko selekzio nazionalaren aldeko edota etxebizitza eskubidea getxoztar guztiontzat eskuragarri egiteko ekimen ezta dirurik ez dutela aurrikusten kritikatzen dute.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun