Erandioko ikasleek beste udalerri batzuetara joan behar omen dute ikastera asteburuetan, Altzaga liburutegia eta Yosu Murueta ikasketa-gela itxita daudelako, Ruizek gaur kaleratutako prentsa oharrean adierazi duenez. "Honek asaldadura baino ez du sortzen ikasleengan, bidaietan denbora galtzeaz gain, liburutegietan lekua lortzeko ilada luzeak egoten direlako", gaineratu du PPko bozeramaleak.
Are gehiago, EAJk eta EAk osatzen duten Udal Gobernua jo du egoeraren errudun: "Hau ez litzateke gertatuko, udal gobernuak ikasketa-gelak asteburuan zabalik izateko borondatea baleuka; horrela eskatu zuen gure alderdiak pasa den legegintzaldian, baina ez genuen ezertxo ere lortu".
Horretaz gain, ikasketa-gelen ordutegia etengabekoa izan beharko litzatekeela adierazi du Ruizek, "azterketak prestatzen dagoen ikasle batentzako oraingo ordutegia nahikoa ez delako".
Asteburuetan ikasketa-gelak zabaltzea eskatu du Erandioko PPk
2004ko urt. 2a, 22:20
Azterketa garaiko asteburuetan ikasketa gelak zabaltzea eskatu dio Udalari Javier Ruiz Erandioko PPko bozeramaleak. Gainera, ikasketa-gelen ordutegia, astelehenetik igandera, etengabekoa izan beharko litzatekeela adierazi du Ruizek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun