Orain modan jarri diren badenak ere aipatu nahi nituzke. Nire ustez, kotxeen abiadura murrizteko beste metodo batzuk aukeratu beharko lituzkete. Baden hauekin kotxeen amortiguadoreak kaltetzen dira eta, batzuetan, kaltegarria izan daiteke kotxe barruan dauden pertsonen bizkarrerako ere bai, gehienetan badenak handiegiak direlako.
Lehenago aipatutako guztia Algortako bidegurutze ospetsu batean aurkitu dezakezue; Benantzion alegia. Bertan, espaloiaren zabalkuntzaren ondorioz errepidea estuegia da eta ezinezkoa da, aldi berean, bi kotxek bertan eraikitako bi errotonda txikiei bira ematea. Hauen artean, eta errotondetatik ateratzean ere, baden eder batzuk aurkituko dituzue, lau gutxienez.
Udalak garrantzitsuak diren gauzetarako erabili beharko luke dirua. Nik momentuz “QUAD” bat erosiko dudala uste dut, Benantzioko bidegurutzean zirkuitu ederra baitugu. Gonbidatzen zaituztet.
Algortako auzokidea nahiz eta nire herriko kaleetan egindako aldaketa batzuk salatu nahi nituzke. Getxoko Udalak Algortako hainbat bidegurutzetan zentzugabeko aldaketak egin ditu; espaloien zabalkuntza hurrenez hurren. Kotxearekin egin beharreko jira eragotzi baino ez dute egiten, gehienbat bidegurutzean beste kotxe batekin topo egiten duzunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun