Jesús Isasi Bizkaiko Batzar Nagusietako PPko kideak "lotsagarritzat" jo du egoera. "Egunean lau aldiz 1.500 haur inguru igarotzen dira trenbideen gainetik, eta 4.500en bat kotxe. Gainera, bost minutuko maiztasuna dauka metroak", nabarmendu du.
Aldundiak PPk aurkeztutako zuzenketak atzera botatzeko argudioak ere ez ditu ontzat hartu. Izan ere, erakundetik dagokien gaia ez dela esaten duten bitartean, "zeharka bada ere" euren ardura ere badela uste du Isasik; Garraio Partzuergoa Eusko Jaurlaritzak, Aldundiak berak eta Bilboko Udalak osatuta dagoelako.
"Jaurlaritzak eta Aldundiak lehenbailehen egin beharko lituzkete obrak, Getxoko alkateak berak ere zeozer eskatu beharko luke bere udalerriarentzat", gaineratu du PPko batzarkideak. Ildo berean, bere alderdiak trenbidea lurperatzea eskatzen jarraituko dutela adierazi du. Proposamen berria aurkeztuko omen dute laster.
Getxoko Maidagan kalean trenbidea lurperatzea eskatu du Jesús Isasi Bizkaiko Batzar Nagusietako PPko kideak. Foru Aldundiak oraindik ere konponbiderik ez duela eman salatzearekin batera, "lotsagarritzat" jo du egoera. Lurperatze lanetarako inbertsioak metroko Bigarren Linea egitea baldintzatuko zuelakoan, egitasmoa atzera bota zen orain dela bi urte, popularren ordezkariak gogoratu duenez, udalerrian gaur eguerdian eskainitako prentsaurrekoan.Isasik azaldu duenez, PPk "berriro ere" eskatu du Maidaganen lurperatze lanak egitea, Bizkaiko 2004ko aurrekontuei aurkeztutako bi zuzenketen bitartez. Hala ere, hauek ez dira onartuak izan, "EAJren aurkako jarreragatik". Garraio Partzuergoak obrak egin ahal izateko, Bizkaiko Foru Aldundiak eta Eusko Jaurlaritzak 1,5 milioi euro jartzea bakoitzak, proposatzen zuten popularrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun