Buru-urrientzako Erromoko egoitzak 4 solairu izango ditu, 25-30 bat lagun hartzeko, eta Bideak foru erakunde publikoa arduratuko da eraikitzeaz. Guztira, 530 mila euroko aurrekontua izango du egitasmoak, 18 hilabeteko epean amaituta egoteko. Hori dela eta, 2005eko azken hiruhilekorako amaituta egon beharko litzateke, Zarraoak adierazi duenez.
Erromoko Ikastetxea zaharberrituko dute
Beste alde batetik, obra lizentzia eman dio Eusko Jaurlaritzako Hezkuntza Sailari Getxoko Udalak, Erromoko Ikastetxe Publikoko haur hezkuntzarako eraikina zaharberritzeko.
Orain dela urtebete, eraikinaren egonkortasunean akats bat somatu zuten. Egitura hoben egin zuen eta berehala beharrezkoak ziren indargarriak jarri zituen Udalak. Gaur egun, eraikinak segurtasun neurriak betetzen dituen arren, behar-beharrezkoak dira egitura konpontzeko lanak.
Zarraoak azaldu duenez, Hezkuntza Sailari dagokio proiektua eta obren gastua. Lan txikia omen da, eta oraindik zehaztu gabe dago noiz hasiko diren. Eusko Jaurlaritzak 4 mila euro emango ditu horretarako.
Erromon egingo duten buru-urritasunak dauzkaten lagunentzako egoitza, 2005eko azken hiruhilekorako egon liteke amaituta, Iñaki Zarraoa Getxoko alkateak gaur baieztatu duenez. Santa Eugenia kaleko 12 zenbakiko etxea botatzeko agindua eman du dagoeneko Udalak. Izan ere, lursail horretan eraikiko da aipatutako egoitza. Etxea suntsitzeak 20 mila euroko kostua izango du.Aipatutako lursailaren gaineko azalera-eskubidea 50 urtez edukiko du Bizkaiko Foru Aldundiak, Udalarekin hitzartutakoaren arabera, egoitza eraikitzeaz gain, bere kudeaketaz arduratzeko helburuarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun