Hala ere, hau ez da Bizarra Lepoanek negurako antolatu duen ekitaldi bakarra. Otsailaren 5ean hasi eta apirilaren 29ra arte, areto dantza ikastaroa egingo dute ostegunero, Algortako San Nikolas ikastolan, 19:00etatik 20:30etara. Izena eman nahi duten bazkideek 9 euro ordaindui beharko dute; ez bazkideek 12 euro.
Otsailaren 4an, berriz, Literatur Txokoaren ordua helduko da, 19:30etik aurrera. Pako Aristi idazlearekin berbalditxoa egiteko aukera izango dute, "Libreta horiko Poemak" liburuaren inguruan, Aldai Kulturgunean batzen diren guztiek.
Informazio gehiago gura izanez gero:
Bizarra Lepoan Euskara Elkartea
Karitate kalea, 1-10 bulegoa (Algorta - Getxo)
94 491 43 57
Bertso ikastaroa 'zerotik' hasita
2004ko urt. 14a, 21:32
Urtarrilaren 27tik apirilaren 6ra bitartean, bertso ikastaroa antolatu dute ALBE Algortako Bertsolari Eskolak eta Bizarra Lepoan Euskara Elkarteak. Eskolak asteartero izango dira, 20:00etatik 22:00etara, Aldai Kulturguneko areto nagusian eta Josu Landeta ALBEko kidea izango da irakaslea. Izena emateko epea urtarrilaren 23ra arte egongo da zabalik, 30 euro Euskadiko Kutxako kontu korrontean sartuz (3035 0221 74 2210001961) edota ALBEra (605 704 385) edo Bizarra Lepoanera (944 914 357) deituz.Beste alde batetik, urtarrilaren 23tik 25era arte, Jacan iraupen ski asteburua antolatu du Bizarra Lepoanek. Bazkideentzat 90 euro eta ez bazkideentzat 115 eurokoa izango da prezioa. Autobusa, egonaldia, 2 gosari, afari bat, forfaitak, ekipo osoko alokairua eta 2 orduko ikastaroa egunero daude sartuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun