Aurrikusitako 3.369 etxebizitzak "nahikoa" direla dio Berangoko alkateak

Erabiltzailearen aurpegia
Hurrengo 16 urteetako barne zein kanpo hazkundeari erantzuna emateko, 3.369 etxebizitza egitea "nahikoa" dela adierazi du Miren Dobaran Berangoko alkateak, IU-EBk egindako kritikei erantzunez. Bilbo Metropolitarrerako, Lurralde Plan Partzialak (PTP) ezartzen duen ehuneko 24ko gutxiengoa jaisteko udalbatzarrak hartutako erabakia, "gizarte-kohesioa" bermatzea du helburu, Dobaranek argitu duenez.
Aldi berean, familia bakarreko etxebizitzak egiteko asmoa dutenik gezurtatu du Berangoko alkateak. "Dentsitate baxu-ertainean oinarrituta eraiki dugu azkeneko urteetan. Lurralde Plan Partzialak planteatzen duena, aldiz, basatikeria da. Herriaren oreka apurtuko luke", dino Dobaranek. Hori dela eta, PTPari alegazioak aurkeztea erabaki du Udalak, gutxiengo kopurua 4.430 etxebizitzatik 3.369ra jaisteko (ehuneko 24 gutxiago). Erabakia EAJ-EA eta PSE-EEren aldeko botoekin eta PPren abstentzioarekin onartu zen astelehenean. IU-EBk aurka bozkatu zuen.

Alkatearen hitzetan, "etxebizitza kolektiboa sustatzen eta, gizarte-kohesioa eta udalerriaren oreka bermatzen" jarraituko du Udal Gobernuak. "Landaidan 75 etxe eraikiko bagenitu, bata bestearen ondoan egongo litzateke. Ez dugu 'Santutxurik' nahi Berangon", adierazi du Dobaranek PTPk planteatzen duena "basakeria" dela azaltzeko.

Gaiaren inguruko albisteak:

Udal Gobernuaren etxebizitza politika kritikatu du Berangoko IU-EBk (2004 Urt 13)
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun