Lan baldintzak hobetu arte, greban jarraituko dute Erandioko egoitzako langileek

Erabiltzailearen aurpegia
Lan baldintzak hobetzea lortu arte, mobilizazioekin jarraituko dute Erandioko San Jose udal egoitzako langileek. Horrela adierazi dute, gaur 11:00etatik 12:00etara herri horretako udaletxearen aurrean egindako konzentrazioan. Izan ere, abenduaren 31tik, greba mugagabean daude zentroko garbiketa, garbitegi, harrera eta office zerbitzuetako hamaika behargin. Olatz Urutxurtu ELAko ordezkariak adierazi duenez, gutxiengo zerbitzuak "behar bezala" betetzen ari dira egoitzan, "Eusko Jaurlaritzak ezarritakoa baino gehiago", zenbait grebalarien hitzetan.
Herritarrei jadanik bigarren greba astean daudela aditzera emateko ere aprobetxatu nahi izan dute gaurko ekintza. "Gogotsu" daudela nabarmentzeaz gain, eskatutakoa lortu arte, mobilizazioekin jarraituko dutela adierazi dute langileek. Euren lan baldintzak sektore publikoko langileek dauzkatenekin parekatzea eskatzen diote Erandioko Udalari. Izan ere, euren hitzetan, "beste zentrotan zazpi pertsonek egiten duten lana" biren artean egin behar izaten dute San Jose udal egoitzan.
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun