EAJren etxebizitza politika "negargarri" jo du Getxoko PPk

Erabiltzailearen aurpegia
Etxebizitza arloari dagokionez, EAJk "kudeaketa kaskarra" darabilela salatu du gaur Marisa Arrue Getxoko PPko bozeramaleak, Eduardo Andrade eta Mercedes Pérez zinegotziekin batera egindako agerraldian. Bere hitzetan, "udalerria Espainiako garestienetakoa bilakatzea" eragin du horrek. Merkatu libreko etxebizitza hizpide, jeltzaleek Herri Antolaketa Plan Orokorra garatzeko inolako asmorik ez dutela kritikatu du Arruek, "orain dela bi urtetik indarrean egon arren, dauden sei egitasmoetatik bat bera ere ez baitute garatu". Horrek etxebizitzen garestitzea ekarri du, bere ustez.
Babes ofizialeko, gizarte arlorako zein tasaturiko etxebizitzei dagokienez, "negargarri" jo dute popularrek, EAJren eta Udal Gobernuko beste kideen lana. "Etxebizitzak egiteko lurrak erosi nahi izanez gero, gutxirako balioko dute horretara bideratutako 200 milioi pezeta ziztrinek", adierazi du Arruek.

Azkenik, udalerrian, babes ofizialeko etxebizitzen eskaera handia dela azpimarratu du PPko bozeramaleak. Azaldu duenez, "3.400 lagunek egin dute eskaera, salneurrien ehuneko 19,7ko igoerak Getxotik joatera edota gurasoen etxean geratzera behartzen dituelako gazte asko". Populerren ustez, "getxoztarrei iraintzea" da, oraindik Etxezuriko 32 etxe baino ez zozketatu izana.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun